Khabi mein bhi aik rang tha....©

11:37:00 AM

Kahtain hai kay raat kay baad he sawayra aata hai. . .
Par mujhay tu omer beet gai inn andharoy mein. . .
Ye kiya ajab hai. . .
Mein manus sa ho gaya ho in bathakti rahoon say. . .

Suna hai sub rang dikhtay hai roshni mein. . .
Par andhay ko kiya rango say?
Ab toh cha' bhi mar gai us saat-rangi khaab ki. . .
Nafrat se ho gai us sahraab say. . .

aray rahanay do mujhay yahin par. . .
Ye sub jo nahi dikhta. . .
Yehi tu meray hassen manzar hai. . .
kiya tumhay nai dikhta. . . ?
Ye seiyah baadal. . .
Wo ghatta mein ghiri waadi. . .

aray paglay....
na sunaya karo mujhay rangoo ki kahaniyan. . .
Jo mein janta he nai. . .
Us ka mein ab tasawur bhi kaysay karoon. . . ?

tum rooth jao mujh ko ye gawara ho ga na. . .
par Tum kiya jano. . .
Tum kiya jano kay mein nay kiya kiya anjaan kar diya. . .
Aur phir khud he idhar bus gaya. . .

han mein bhi khabi aik rang tha. . .
Ghulab sa Shouk. . . Khoon sa gehra. . . .
phir aik din mera suraj sonay gaya. . .
Na janay kyun uss rooz us nay bohat zid ki naa janay ki . . .
Shaid us ko maloom tha. . . . . . . . . . . . . . . . . .

us raat roh roh kay jab wo so gaya. . .
Aik saya mujh par dil day baytha. . .
Aur bus na chahatay way bhi. . .
mujhay saath kheinchta hua lay gaya. . .

kiya sohani raat thee. . .
Chand humay daykh raha tha. . .
Us ki roshni mein ankh macholi khayltay. . .
Bohat daray. . .
Bohat daraya. . . .
Khail he kuch aasa tha. . .

phir. . . . . . . .
Phir sayay nay kaha. . .
daykho Mera suraj aagaya. . .
mein chala. . .
Par Kash kay tum bhi aajao. . .

par mein nay ajzee say sar jhuka diya. . . .
Aur kaha, jao, wahan meri jaga nai. . .
Mujhay apnay suraj kay pass jana hai. . .
Aur bus phir wo chala gaya . . .

aur phir. . .
Phir jab hosh sumbhala. . .
tu aapnay aap ko na janay kahan paya. . .
Aapnay suraj say bohat door. . .

bohat raah talash ki. . .
Par har tarf wo saya he dikha. . .
Aapna rasta khud bhi tarasha. . .
Par shaid aur bhi door nikla. . .

Kai din kai raatain guzar gai. . . .
Mein yahan tanha. . . Mera suraj wahan lachar. . .
aur jab us surag ka chahra bhi theek say na yaad rahnay laga. . . .
Mein nay bhi haar maan le. . .

bus phir tab say ye tarikiyaan he mera sub kuch hai. . . .
mera suraj. . .
mera saya. . .


-Talisman

You Might Also Like

1 Comments

Keep them coming; its never wrong to interact!