Malaal

8:20:00 PM

"Ek sham tera khayal bari dair tak raha, 
dil dard say nidhaal bari dair tak raha, 
panay ki jo khushi this woh toh aarzi rahi... 
bicharnay ka malaal bari dair tak raha...."
Per na ab us ko kisi sey shikayat hai na ab kisi sey gilaa.... Bas ab apnay aap sey rutha huwa hai woh... haan janta hai woh key is haal, is kaifiyaat ka faida nahi... per phir bhi koshish kerta hai key apnay aap ko sambhalay...bazahir khush hai woh laikin ek such bataoun... wo ander sey bohat "Toota hua hai".... Ab toh bohat muddat sey aisa hai key woh khamosh rehta hai... koi gehra ranj hai us ko shayad... jissy chup chaap sehta hai... yunhi chaltay huay tanha, koi ghamgeen sa naghma... woh aksar gungunahta hai... doran-e-guftagu yunhi milain nazroun sey jab nazrein toh woh batein bhool jata hai.... kisi gum sum si halat main, ya phir barish key mausam main fakat itna hi kehta hai "Udasi be-waja si hai, bohat bojhal tabiyat hai"... bhala sach kyun nahi kehta key usay "Malaal" hai...

Kyun nahi kehta key 
 Us bin sard lag raheen hain
yeh november ki khunk raatain
yeh malaal bojhal ker raha hai
uski pur nam palkain

Uski kadmoon ki chaap
kia ab kabhi na sunai dey gi
iss sawal se dub dubba gae hain
is key dil ki anginit dharkanain....

iss malaal ki karwahat is ko
muskuranay nahi deytee
iss malaal ki dilkashee isay
munh pheray nahi deytee

Kyun nahi kehta key
"yeh malaal hi ab tum ho
yeh malaal hi ab mai hoon
yeh malaal hi ab hum hai
be nishan, bad gumaan, tanha."

You Might Also Like

0 Comments

Keep them coming; its never wrong to interact!